Chel scodaròs al jere li, simpri li
ogni volte che o passavi sù e jù pal troi
al saltuçave di un clap a chel altri e mi cjalave
po al becuçave ca e là e sù cun chei voi
come par volê dî “no mangjistu tu a misdì”
Ce fote al pensâ che chel tic di tiere zirade
e jere par lui primizie e bontât
Par cualchidun invecit, nancje une taule bardade
e baste par passilu…O resti ingredeât
Chel scodaròs al jere li, simpri li
ogni volte che o passavi sù e jù pal troi
al becuçave ancjimò, cuasi cuasi al mincjonave
disint che al jere puest ancje par doi
O soi tornât a cjase… e cence cene o soi lât a durmî.