La vite
Daûr di che nûl rabiôs e vaiot
il soreli, stiçât par chel timp barbot
al cîr di saltâ fûr fuart, bon
dant a crodi di sei sveât par colpe di un ton
che al romp il veri.
Cussì tu, vite nere e rabiose
dopo che tu âs dut rot
mostrant la tô muse ledrose
tu âs di fâ cont cul gno cûr
che a voltis, cence voie ancje tal scûr
o cîr di fâ judizi, di fâ ben
E je propit vere
dopo la ploie al torne simpri il seren
seial a buinore, a misdì o di sere.